A PRIMAVERA
No próximo trimestre empezaremos un novo proxecto sobre a primavera. Seguiremos observando os cambios que se producen na natureza. Tomaremos unha vez máis datos do tempo atmosférico para facer as nosas estatísticas e poder sacar conclusións comparándoos coa estación anterior. Buscaremos información sobre as plantas e os animais que volven a aparecer no noso entorno. Buscaremos poemas, refráns, adiviñas ..., cantaremos cancións, escribiremos historias, etc.
O LIBRO DA PAZ
DURANTE TODO O TRIMESTRE OS NENOS E NENAS DA CLASE ESTIVERON RECOÑECENDO SITUACIÓNS DE CONFLITO QUE SE PRODUCEN TANTO NA CLASE COMA FÓRA DELA.
CADA SITUACIÓN FOI VERBALIZADA E DRAMATIZADA DE VARIAS MANEIRAS: UNHAS VECES DE FORMA NEGATIVA, TAL COMO SUCEDE EN MOITAS OCASIÓNS NA REALIDADE, E OUTRAS DE FORMA POSITIVA, QUE É O QUE QUEREMOS POTENCIAR CON ESTE TRABALLO.
AO FINAL DE CADA ACTIVIDADE FACÍAN UNHA FICHA NA QUE ESCRIBÍAN ALGUNHAS DAS FORMAS DE REACCIONAR ANTE CADA PROBLEMA.
O LIBRO DO INVERNO
O POZO DE AUGA
LUCÍA E RUBÉN COA AXUDA DOS SEUS PAIS CONSTRUIRON ESTE POZO TAN BONITO PARA TRAELO Á CLASE.
DIANTE DE TODOS OS SEUS COMPAÑEIROS E COMPAÑEIRAS EXPLICARON COMO O FIXERON, EN QUE PARTES COLABORARON ELES DOUS E COMO FUNCIONABA.
FOI UNHA ACTIVIDADE MOI INTERESANTE QUE NOS SERVIU PARA CONCIENCIARNOS UNHA VEZ MÁIS DA IMPORTANCIA DA AUGA NAS NOSAS VIDAS, E DO FÁCIL QUE É PARA NÓS, DE MOMENTO, CONSEGUILA (NON DEPENDEMOS DOS POZOS COMO NOUTRAS ÉPOCAS).
ADEMAIS FALAMOS DAS POLEAS, UN DESCUBRIMENTO IMPORTANTE QUE FACILITOU MOITO O LEVANTAMENTO DE PESOS (NO CASO DO POZO, FACILITABA A SUBIDA DO BALDE DE AUGA).
DESPOIS DAS EXPLICACIÓNS E DE RESPOSTAR TÓDALAS PREGUNTAS QUE SE FIXERON, TODOS E TODAS QUIXERON EXPERIMENTAR O FUNCIONAMENTO DO POZO.
DÍA DA POESÍA
ONTE CELEBROUSE O DÍA DA POESÍA E TÓDOLOS NENOS E NENAS DO COLEXIO CREARON OU COPIARON UN POEMA QUE LLES GUSTASE E DECORARON A FOLLA ONDE O ESCRIBIRON. ESE POEMA ÍA SER UN AGASALLO PARA OUTRO NENO OU NENA. LOGO CANDO SAÍRON AO RECREO DEIXÁRONO NUNHA CAIXA QUE HABÍA XUNTO Á PORTA. Á VOLTA CADA UN COLLEU UN POEMA DIFERENTE AO QUE DEIXARA. NA FOTO VESE O MOMENTO EN QUE OS DA NOSA CLASE LEN O POEMA QUE LLES TOCOU.
ESTATÍSTICA DO TEMPO EN INVERNO
DURANTE TODO O INVERNO OS NENOS E NENAS SEGUIRON TOMANDO DATOS DO TEMPO QUE FACÍA CADA DÍA E ESTES SON OS RESULTADOS: PREDOMINARON OS DÍAS SOLEADOS SOBRE OS DÍAS CON NUBES. POLO TANTO, O INVERNO AÍNDA QUE FOI FRÍO, TAMÉN FOI BASTANTE SECO.
ADEUS, INVERNO
DESPEDIMOS O INVERNO CON ESTES PINGÜÍNS TAN SIMPÁTICOS, AOS QUE LLES GUSTA MOITO DISFRAZARSE.
MENTRES OS AXUDADES A POÑERSE A ROUPA PODEDES PRACTICAR VOCABULARIO EN INGLÉS.
MENTRES OS AXUDADES A POÑERSE A ROUPA PODEDES PRACTICAR VOCABULARIO EN INGLÉS.
DÍA DO PAI
CUNHA MÁQUINA QUE NOS PRESTOU A PROFE MARÍA E ANACOS DE FELTRO FOI MOI FÁCIL PARA OS NENOS E NENAS FACER MARCOS COMA ÉSTE. LOGO SÓ HABÍA QUE COLOCAR A FOTO E PEGAR.
PERO ADEMAIS CADA UN DIXO ALGUNHA RAZÓN POLA QUE QUERÍA AO SEU PAI E ESCRIBIULLE UNHA CARTA.
O QUE MÁIS VALORAN OS NENOS E NENAS DOS SEUS PAIS É O TEMPO QUE PASAN CON ELES E AS SÚAS MOSTRAS DE CARIÑO.
AS NOSAS NOTICIAS
SEMANA DA PRENSA
DURANTE ESTA SEMANA CELÉBRASE A "SEMANA DA PRENSA NA ESCOLA".
NA NOSA CLASE OS NENOS E NENAS ESTIVERON APRENDENDO A DIFERENCIAR AS SECCIÓNS MÁIS IMPORTANTES DUN XORNAL E LOGO BUSCARON NOTICIAS REPRESENTATIVAS DE CADA UNHA DESAS SECCIÓNS ANALIZADAS.
A NOSA PISTA DE ESQUÍ
DURANTE ESTES DÍAS OS NENOS E NENAS DA CLASE ESTIVERON TRABALLANDO SOBRE OS DEPORTES DE INVERNO E AS SÚAS DIFERENTES MODALIDADES: ESQUÍ, PATINAXE, SNOWBOARD, CARREIRAS EN TRINEO, ETC.
DESPOIS FIXERON ESTA PISTA PARA ESQUIAR ONDE OS ESQUIADORES E ESQUIADORAS, COMO SON PRINCIPIANTES, ESBARRAN E CAEN, PERO NON PASA NADA PORQUE VOLVEN A ERGUERSE RAPIDAMENTE.
NESTE MOMENTO, COUSA RARA, ESTABAN TODOS DE PÉ.
OS ANIMAIS EN INVERNO
NA CLASE ESTIVEMOS LENDO LIBROS CON INFORMACIÓN SOBRE OS ANIMAIS EN INVERNO. NESTE VIDEO PODEMOS VER QUE DIFÍCIL E COMPLICADA PODE SER A SÚA VIDA NALGÚNS LUGARES ONDE VAI MOITO FRÍO. DE PASO DISFRUTAREMOS DE NOVO COA FERMOSISIMA MÚSICA DE VIVALDI.
DÍA INTERNACIONAL DA MULLER
TODOS E TODAS, NENOS E NENAS, HOMES E MULLERES, PODEMOS FACER OS MESMOS TRABALLOS, E TEMOS A OBRIGACIÓN DE COLABORAR NAS TAREFAS DA CASA, PORQUE A CASA É DE TODOS OS MEMBROS DA FAMILIA.
Suscribirse a:
Entradas (Atom)