CELEBRAMOS O SAMAÍN

UN ANO MÁIS BRUXAS, ZOMBIES, MONECAS DIABÓLICAS, ESQUELETOS, VAMPIROS, ETC, VOLVERON AO COLEXIO PARA CELEBRAR O SAMAÍN.

TAMÉN FORON Á BIBLIOTECA A VER UNHA "PELI" QUE A ALGÚNS LLE DEU MOITO MEDO E LERON HISTORIAS DE PERSONAXES COMA OS QUE ELES REPRESENTABAN HOXE.

CABAZA PREMIADA NO PRIMEIRO CICLO

A CABAZA QUE GAÑOU NO 1º CICLO FOI A DE JULICA DE 2ºB QUE SIMULABA QUE ESTABA A PUNTO DE TRAGAR ENTEIRO A UN NENO, PERO TODOS E TODAS AS QUE PARTICIPARON NO CONCURSO TIVERON UN AGASALLO.
AO XURADO, COMPOSTO POR "PROFES" E ALUMNOS DO TERCEIRO CICLO, FOILLE MOI DIFICIL DECIDIRSE POR UNHA, POIS HABÍA MOITAS QUE MERECÍAN O PREMIO.

CÁNTAS CABAZAS!

O CONCURSO DE CABAZAS FOI TODO UN ÉXITO. TROUXECHEDES TANTAS QUE CASE NON HABÍA SITIO ONDE COLOCALAS. NO VÍDEO PODEDES VER ALGUNHAS DAS VOSAS.  MOITAS GRAZAS A TODOS POR PARTICIPAR.

XOGO DO SAMAIN

 

NA HORA DE INFORMÁTICA FAREDES ESTA ACTIVIDADE LIM DE ANA MARTÍNEZ E BELÉN JUNQUERA. TEREDES QUE FACELA EN GALEGO, E TAMÉN EN INGLÉS.

AS COMUNIDADES AUTÓNOMAS

ESTES DÍAS ESTIVEMOS VIAXANDO CO "GOOGLE EARTH" POR TODO O PLANETA. PASAMOS POLOS PAÍSES ONDE NACERON HIBA, IARA, MANU E ANNY, E POR SUPOSTO, "BAIXAMOS" ATA ENCONTRAR ESPAÑA E GALICIA, LOGO A PROVINCIA DE PONTEVEDRA, E, POR ÚLTIMO, A CIDADE DE TUI.  MIRAMOS A CATEDRAL, A CORREDOIRA, O NOSO COLEXIO, AS DÚAS PONTES INTERNACIONAIS, ETC. OS NENOS E NENAS BUSCARON TUI NOS ATLAS E XA SABEN SITUALO NO MAPA DE GALICIA. AGORA ESTÁN APRENDENDO O NOME DOUTRAS COMUNIDADES AUTÓNOMAS. SARA TROUXONOS UN MAPA DE CORES E MARTÍN UN CREBACABEZAS. ALGÚNS DOS NENOS E NENAS FALARON DAS VIAXES QUE FIXERON A OUTRAS PARTES DE ESPAÑA PARA VISITAR Á SÚA FAMILIA OU DE VACACIÓNS.

AGORA É TEMPO DE PRACTICAR O APRENDIDO. 

PREMEDE NO MAPA E SITUADE AS COMUNIDADES AUTÓNOMAS NO SITIO QUE LLES CORRESPONDE.

DÍA DAS BIBLIOTECAS

HOXE, 24 DE OUTUBRO, CELÉBRASE O DÍA DAS BIBLIOTECAS, E LÚA, A MASCOTA DA NOSA  BIBLIOTECA, TAL COMO NOS PROMETERA VOLVEU A VISITARNOS.
ESTA VEZ ESTIVO NA CLASE ACOMPAÑADA DA PROFE MELI E OS NENOS E NENAS RECIBÍRONA MOI EMOCIONADOS/AS.

COMO XA SABÍAN QUE ÍA VIR TIÑAN PREPARADO UN AGASALLO QUE LLE ENTREGOU PATRICIA EN NOME DE TODOS E TODAS.

TRÁTASE DUN LIBRO ONDE CONTAN PORQUE LLES GUSTA LER E TAMÉN TEN CARTAS, POSTAIS E HISTORIAS QUE ESCRIBIRON PARA QUE AS LEA LÚA E MOITOS DEBUXOS DEDICADOS A ELA.

ANTES DE QUE MARCHASE, PARA VISITAR OUTRAS AULAS, CANTÁRONLLE UNHA CANCIÓN QUE A LÚA LLE GUSTOU MOITO.

AGORA LÚA DÉIXAVOS ESTE VÍDEO CON OUTRA CANCIÓN. A VER SE VOS GUSTA A VÓS!

ELECCIÓNS NO COLEXIO

DESPOIS DE ESTAR TRABALLANDO TODO O COLEXIO SOBRE DEREITOS E DEBERES, DEZ NENOS E NENAS DO TERCEIRO CICLO PRESENTARON A SÚA CANDIDATURA PARA FORMAR PARTE DUNHA COMISIÓN DE ALUMNOS/AS QUE, REPRESENTANDO A TÓDOLOS NENOS E NENAS DO CENTRO,  SERÁN ENCARGADOS/AS DE TRASLADAR AO CLAUSTRO DE PROFESORES/AS PROPOSTAS DE MELLORA EN ASPECTOS DIRECTAMENTE RELACIONADOS CO ALUMNADO. 

OS/AS CANDIDATOS/AS PRESENTARON A SÚA CAMPAÑA DURANTE ESTA SEMANA E A NOSA CLASE SEGUIUNA CON MOITO INTERESE. 

- PRIMEIRO FORON VER OS CARTEIS COLOCADOS NOS ESPAZOS ELECTORAIS QUE HABÍA NO CORREDOR E AO LADO DO XIMNASIO. 

- DESPOIS ESCOITARON  UN PROGRAMA DE RADIO ONDE, MENTRES CADA CANDIDATO/A EXPLICABA QUE TIÑAN PREVISTO FACER SE SAÍAN ELEXIDOS/AS,  TOMARON NOTAS PARA PODER DECIDIR CON CRITERIO O SEU VOTO. 

- É, POR ÚLTIMO, DESPOIS DUN DÍA DE REFLEXIÓN, VOTARON AO SEU FAVORITO/A.

O LUNS SABEREMOS QUEN SAIU ELEXIDO/A.

POLA DEFENSA DA ESCOLA PÚBLICA

NESTE BLOGUE DEFENDEMOS A ESCOLA PÚBLICA

O ESPECTACULAR SALTO DE FÉLIX BAUMGARTNER

A NOTICIA QUE SELECCIONAMOS PARA TRABALLAR ESTE LUNS FOI O SALTO DESDE A ESTRATOSFERA REALIZADO  POLO DEPORTISTA EXTREMO FÉLIX  BAUMGARTNER. 

MOITOS DOS NENOS E NENAS PRESENCIARON O SALTO EN DIRECTO O DOMINGO POLA TARDE A TRAVÉS DA TELEVISIÓN. 

NA CLASE  MIRAMOS ESTE VÍDEO QUE SERVIU PARA FALAR DE MOITAS COUSAS RELACIONADAS CON ESTA PROEZA ANTES DE  ESCRIBIR A NOTICIA. 

NEL VESE CLARAMENTE A SUBIDA HACIA A ESTRATOSFERA NESE GLOBO TAN FINO QUE LEVABA A CÁPSULA ONDE ÍA FÉLIX METIDO. RECORDADE QUE TARDOU DÚAS HORAS E MEDIA EN SUBIR ATA UNS 39.000 METROS DE ALTURA E BAIXOU A MÁIS DE 1.000 KM/H ANTES DE ABRIR O PARACAÍDAS.

PASEANDO POR TUI

ESTAMOS NA FASE DE BUSCA DE INFORMACIÓN PARA O NOSO PROXECTO SOBRE TUI E XA TEMOS VARIOS LIBROS, FOLLETOS TURÍSTICOS, PLANOS, FOTOS, PÁXINAS DE INTERNET, ETC.

HOXE NEREA TROUXO UN VÍDEO  QUE NOS SERVIU PARA FALAR SOBRE A NOSA CIDADE E AQUÍ TEMOS OUTRO PARA SEGUIR COMENTANDO E DESCUBRINDO MONUMENTOS E PAIXASES NOVAS.

DEREITOS E DEBERES

PARTINDO DA PREMISA DE QUE UN DEREITO É ALGO QUE NINGUÉN NOS PODE PROHIBIR E QUE UN DEBER É ALGO QUE ESTAMOS OBRIGADOS/AS A CUMPRIR...... DURANTE VARIOS DÍAS OS NENOS E NENAS DA CLASE REUNÍRONSE EN GRUPOS E FALARON SOBRE OS DEREITOS QUE PENSABAN QUE DEBÍAN TER COMO ALUMNOS E ALUMNAS DESTE COLEXIO. 

LOGO TODOS OS GRUPOS COMPARTIRON COS DEMAIS AS SÚAS CONCLUSIÓNS E XUNTOS FIXERON UN LISTADO, CO QUE POSTERIORMENTE VOLVERON A TRABALLAR POR GRUPOS BUSCANDO O DEBER CORRESPONDENTE A CADA DEREITO. 

DESE LISTADO SELECCIONAMOS DEZ DEREITOS E DEZ DEBERES QUE TEMOS QUE CONSENSUAR COAS OUTRAS CLASES DO PRIMEIRO CICLO.  

LÚA VISITA O COLEXIO

TAL COMO NOS ANUNCIARA, LÚA ESTIVO O LUNS NO COLEXIO E COMPARTIU TODA A XORNADA COS NENOS E NENAS DE PRIMARIA.

RECIBIUNOS POR NIVEIS NA BIBLIOTECA E APROVEITOU PARA EXPLICARLLES COMO ESTÁ ORGANIZADA, QUE CLASE DE LIBROS PODEN ATOPAR NELA E CALES SON ADECUADOS PARA CADA IDADE E TAMÉN COMO HAI QUE COMPORTARSE PARA NON MOLESTAR A NINGUÉN.

FOI UNHA PRESENTACIÓN MOI DIVERTIDA E INTERESANTE E LÚA ESTABA TAN CONTENTA DE VER A TÓDOLOS NENOS E NENAS QUE REPARTIU MOITOS AGASALLOS: AOS NENOS E NENAS DEULLES UN "PIN" A CADA UN CO SEU NOME E UN DEBUXO DA MASCOTA E MARCAPÁXINAS MOI BONITOS PARA QUE OS USEN NA "HORA DE LER", AOS "PROFES" DEULLES UN BOTE CUN DEBUXO DA MASCOTA E A DIRECCIÓN DO BLOGUE PARA QUE  POIDAN ESTAR Á ÚLTIMA DAS NOVIDADES DA BIBLIOTECA E PARA AS FAMILIAS UN TRÍPTICO ONDE LLES EXPLICA COMO CAMBIOU A BIBLIOTECA NESTES ÚLTIMOS ANOS E ANÍMAOS A UTILIZALA COS SEUS FILLOS E FILLAS POLA TARDE.

MAÑÁN VAI ESTAR COS NENOS E NENAS DE INFANTIL. TODOS ESPERAMOS VELA MOITAS VECES DURANTE O CURSO, POIS ENCÁNTOUNOS A SÚA VISITA.