30 DE XANEIRO: DÍA DA PAZ

HOXE, DESDE HAI 50 ANOS, EN MOITOS COLEXIOS DE TODO O MUNDO SE CELEBRA O DÍA ESCOLAR POLA PAZ E A NON-VIOLENCIA. UNHA OCASIÓN PARA REFLEXIONAR SOBRE QUE VALORES QUEREMOS CONSOLIDAR, E QUE PODEMOS FACER CADA UN DE NÓS PARA MELLORAR A CONVIVENCIA ENTRE OS QUE COMPARTIMOS MOITAS HORAS DO DÍA. TAMÉN É UNHA DATA PARA LEMBRARNOS DOS QUE NON TEÑEN TANTA SORTE COMA NÓS E VIVEN SITUACIÓNS DE VIOLENCIA MOITO MÁIS GRAVES QUE OS PEQUENOS CONFLICTOS QUE HAI ÁS VECES NA CLASE.

ESTE ANO OS NENOS E NENAS DA CLASE CONVERTERON AS SILUETAS DAS SÚAS MANS EN  BRANCAS POMBAS MENSAXEIRAS DE PAZ E ASÍ DE BONITAS TEMOS AS VENTÁS DA CLASE.

NA HORA DE BIBLIOTECA VIMOS A PRIMEIRA PELÍCULA DE KIRIKOU, QUE NON COÑECÍAN, E QUE TEN UN FINAL QUE LLES SORPRENDEU MOITO.

CANTA CONNOSCO!

TÓDOLOS ANOS A ANPA DO COLEXIO INVÍTANOS A PRESENCIAR UN ESPECTÁCULO DE TEATRO PARA CELEBRAR O DÍA DA PAZ. ESTA VEZ VIMOS "CANTA CONNOSCO" DO GRUPO MIGALLAS.

 OS NENOS E AS NENAS PASÁRONO MOI BEN CANTANDO CON ELES E RINDO COAS SITUACIÓNS QUE PROVOCABAN Á VEZ QUE APRENDÍAN OU REFLEXIONABAN SOBRE O COIDADO DAS MASCOTAS, O CONSUMISMO NA COMPRA DE XOGUETES, A LECTURA COMA PRACER, A IMPORTANCIA DA IMAXINACIÓN, CANCIÓNS QUE AXUDAN A ESTUDAR...

DESPOIS FOI A ENTREGA DE PREMIOS DO CONCURSO DE DIBUXO QUE ORGANIZARA O ANPA SOBRE AS MASCOTAS. AS PREMIADAS DA NOSA CLASE FORON ALDARA, AMAIA E SARA, QUE SUBIRON MOI CONTENTAS AO ESCENARIO A RECOLLER O SEU PREMIO.

A GUERRA QUE NON SUCEDEU

OS NENOS E NENAS DA CLASE CONTAN PARA TODOS UNHA VERSIÓN EN GALEGO DO CONTO "LA GUERRA QUE NO FUE" DE GABRIEL F. TARANCÓN. AS ILUSTRACIÓNS FIXÉRONAS ENTRE TODOS. 

E ASÍ DE INTERESANTE É ESTA HISTORIA ONDE UNHAS SIMPLES ESPADAS DAN  TODA UNHA LECCIÓN DE PAZ E DEMOSTRAN QUE É MELLOR DARSE UNHA APERTA QUE LOITAR.

VISITA DOS PROFESORES DO PROXECTO ARCE

ONTE RECIBIMOS NA NOSA CLASE A VISITA DALGÚNS PROFESORES DOS COLEXIOS DE HUELVA, MADRID E TOLEDO COS QUE ESTAMOS COLABORANDO NUN PROXECTO ARCE.

SARA E ALDARA FORON AS ENCARGADAS DE DARLLES OS AGASALLOS QUE PREPARAMOS PARA OS SEUS ALUMNOS.

ESCOLLIMOS O LIBRO "BICOS DE MÚSICA" DO GRUPO MAMÁ CABRA PORQUE SABEMOS  QUE QUEREN APRENDER CANCIÓNS EN GALEGO E A TODA A NOSA CLASE LLE GUSTAN AS CANCIÓNS DE MAMÁ CABRA. TAMÉN LEVAN  O LIBRO  "ADIÓS RÍOS, ADIÓS FONTES" PARA QUE LLE ENSINEN AOS SEUS ALUMNOS ESTE FERMOSO, AÍNDA QUE TRISTE, POEMA DE ROSALÍA DE CASTRO.

FELIZ ANIVERSARIO, PAULA

APRENDEMOS INGLÉS

OS MESES DO ANO

AS CORES

KIRIKOU

ESTAMOS PARTICIPANDO NO PROGRAMA "O CINE NAS AULAS" E PROXECTAMOS PARA O PRIMEIRO CICLO A PELÍCULA "KIRIKOU E AS BESTIAS SALVAXES", QUE NARRA UNHA PRECIOSA HISTORIA BASEADA EN LENDAS AFRICANAS, PROTAGONIZADA POR UN NENO CHAMADO KIRIKOU QUE É MOI PEQUENO PERO QUE É CAPAZ DE FACER COUSAS EXTRAORDINARIAS. A PELÍCULA SERVIRANOS PARA TRABALLAR SOBRE VALORES, AGORA QUE SE ACERCA O DÍA INTERNACIONAL DA PAZ. COMO AOS NENOS E NENAS LLES GUSTOU MOITO PUBLICÁMOLA AQUÍ PARA QUE A POIDAN VER DE NOVO, SE QUEREN, XUNTO ÁS SÚAS FAMILIAS.

FELIZ ANIVERSARIO, HIBA

FÍOS E TEAS DE SEDA

ESTE VENRES OS NENOS E NENAS DA CLASE PARTICIPARON NUN OBRADOIRO DE PRODUCIÓN DE FÍO DE SEDA. ESTA ACTIVIDADE PERTENCE Á SEGUNDA PARTE DO PROXECTO SOBRE OS VERMES DE SEDA QUE EMPEZARAN NA PRIMAVERA PASADA.

ESTA VEZ VIRON COMO SE EXTRAÍA DO CASULO O FÍO DE SEDA E ALGUNHAS DAS   SÚAS CARACTERÍSTICAS: É MOI FINO, MOI RESISTENTE E DUN SO CASULO PODEN EXTRAERSE MILES DE METROS SEGUIDOS, PERO HAI QUE FACELO CON MOITO COIDADO.

TAMÉN PUIDERON VER VARIOS TIPOS DE CASULOS DIFERENTES AOS QUE ELES CRIARAN O CURSO PASADO, E NA EXPOSICIÓN QUE ESTARÁ VARIOS DÍAS NO COLEXIO EXPERIMENTARON COA VISTA E SOBRE TODO CO TACTO A SUAVIDADE DE VARIOS TIPOS DE FÍOS E DE VARIOS TIPOS DE TEAS FEITAS CON ELES, E COÑECERON ALGÚNS DOS NOMES CORRESPONDENTES A CADA VARIEDADE.

OS VERMES DE SEDA

O CURSO PASADO TIVEMOS VERMES DE SEDA NA CLASE E OBSERVAMOS OS CAMBIOS QUE SE ÍAN PRODUCINDO DENDE QUE ERAN UNS MINÚSCULOS OVOS ATA QUE, DESPOIS DE COMER MOITA MOREIRA, CADA VERME FIXO UN CASULO  E CONVERTEUSE NUNHA BOLBORETA.

ESTE CURSO  IMOS APRENDER COMO SE FAN OS FÍOS DE SEDA.

MAÑÁ NA BIBLIOTECA DO COLE HABERÁ UN OBRADOIRO ONDE NOS ENSINARÁN CÓMO É O PROCESO E PODEREMOS TOCAR DIFERENTES TEAS E SENTIR A SÚA SUAVIDADE.

PARA REFRESCAR O QUE XA SABEMOS, ANTES FAREMOS AS ACTIVIDADES DE BERTÍN, UN VERME QUE QUERE XOGAR CON TODOS VÓS .

(PREMEDE ENRIBA DA IMAXE).

FELIZ ANIVERSARIO, ALDARA!