Todos os obxectos están feitos de materia.
Cada materia diferente é unha substancia.
A materia pódese presentar en varios estados.
-A maior parte dos materiais que empregamos son sólidos.
-Os líquidos son fluídos, é dicir, adáptanse aos recipientes que os conteñen.
-Os gases non teñen forma nen volume propio.
Na clase estivemos, mediante experimentos, comprobando algunhas propiedades dos sólidos: resistencia (capacidade que posúe un material de soportar moita forza sen romper), flexibilidade (capacidade de dobrarse sen romper), elasticidade (capacidade de recuperar a forma inicial despois dunha deformación) e fraxilidade (propiedade que indica que un material rompe con facilidade); dos líquidos: viscosidade (resistencia que teñen a fluír); e dos gases: aumento ou diminución de volume (propiedade de expandirse ou comprimirse).