A HIDROSFERA

Un grupo de nenos e nenas da clase seleccionou a información e outro grupo fixo os debuxos. Coas voces gravadas e as imaxes escaneadas montamos este vídeo que serve para repasar o que estamos estudando en ciencias sociais.


OS RÍOS







O CICLO DA AUGA

A auga da Terra está en continuo movemento. Ese movemento chámase ciclo da auga.




As augas mariñas son as dos océanos e dos mares e nelas atopamos ondas, mareas e correntes...
As augas continentais son as augas que discorren polos continentes e poden ser superficiais ou subterráneas.


Os ríos son correntes continuas de auga que nacen nos cumios das montañas e terminan no mar, nun lago ou noutro río.




XOGOS POPULARES

Un curso máis celebramos unha xornada de xogos populares onde os nenos e nenas practicaron diversos xogos tradicionais como a carreira de sacos, as tabas, a comba, a petanca, a carreira de carretillos, o pano, os aros, as chapas, a goma, os zancos, a ra, a chave....
Ademais probamos novas formas de xogar introducindo obxectos de cerámica (tellas, macetas....) coas que o xogo tiña unha dificultade engadida, dada a fraxilidade das pezas.


OS SOÑOS NA GAIOLA

O mércores fomos ao teatro da Área Panorámica a ver a obra "Os soños na gaiola" de Manuel María, nunha adaptación interpretada por Títeres Alakrán.

Así volvemos a homenaxear ao escritor ao que se lle dedicou o Día das Letras Galegas este ano, e recordamos algúns dos poemas, que xa sabíamos, e que en forma de cancións, aparecían na obra, mentres a nena protagonista, coñecía a unha serie de personaxes que lle daban pistas para descubrir onde estaba agochada Galicia.

XA sabedes....

Galicia é o que vemos:                                      Galicia somos nós:                    
a terra o mar, o vento...                                     a xente e máis a fala.                                                      
pero hai outra Galicia                                        Se buscas a Galicia                                            
que vai no sentimento!                                      en ti tes que atopala!                                                 

                                   (MANUEL MARÍA)

CARRILANAS E MAGOSTO

A semana pasada celebrouse a tradicional carreira de carrilanas do noso colexio. Nela, como representante da nosa clase, participou Suso.



Despois asamos castañas e chourizos.




E todos e todas desfrutamos comendo.