BOAS VACACIÓNS!

O ÚLTIMO DÍA DE CLASE VIMOS UNHA OBRA DE TEATRO INTERPRETADA POLOS NENOS E NENAS DE SEXTO E LOGO CELEBRAMOS UNHA FESTA XUNTO AOS DEMAIS NENOS E NENAS DE PRIMEIRO. FINALMENTE DESPEDÍMONOS ATA O MES DE SETEMBRO.

PERO O BLOGUE NON SE DESPIDE E DE VEZ EN CANDO PUBLICARÁ ALGUNHA SORPRESA.

BOAS VACACIÓNS A TODOS E TODAS!

QUE DISFRUTEDES MOITO DO VERÁN!

E UN SAÚDO ESPECIAL PARA ANNY QUE NON NOS POIDO ACOMPAÑAR NA FESTA PERO QUE SEI QUE NOS SIGUE DESDE BRASIL. 

MÁIS INFORMACIÓN SOBRE OS XOGOS

SE QUEREDES ESTAR INFORMADOS DE TODO O RELACIONADO COS XOGOS XA SABEDES QUE NA SÚA PAXINA WEB ATOPAREDES MOITAS COUSAS: NOTICIAS, VÍDEOS, XOGOS, ETC.

E ESTA É, COMO XA SABEDES, A MEDALLA DE OURO QUE LEVARÁN OS VENCEDORES NAS DIFERENTES COMPETICIÓNS DOS XOGOS OLÍMPICOS DE LONDRES.

UNHA MEDALLA DE OURO MERECEDES TODOS VÓS POR HABER INVESTIGADO TANTO SOBRE OS XOGOS ANTIGOS E OS XOGOS MODERNOS, SOBRE OS SEUS SÍMBOLOS, SOBRE OS DISTINTOS DEPORTES, SOBRE OS PAÍSES ORGANIZADORES, ETC.

PARTE DESTAS INVESTIGACIÓNS ESTÁN RECOMPILADAS NESTES TRABALLOS QUE QUEREMOS COMPARTIR CON TODOS.

DÍA DE FESTA

ESTAMOS A DESPEDIR UN CURSO.

CÁNTO TRABALLAMOS, PERO TAMÉN CÁNTO FOMOS CAPACES DE APRENDER! MERECÉMONOS UNHA GRAN FESTA!

E AQUÍ ESTÁ, ORGANIZADA POLA ANPA, TIVEMOS HINCHABLES, TALLER DE MAQUILLAXE, TALLER DE MALABARES E DISCOTECA AO AIRE LIBRE.

CÓMO NOS DIVERTIMOS!

E HOXE... CUCHIPANDA E VACACIÓNS!!!!

ESTATÍSTICA DO TEMPO NA PRIMAVERA

DURANTE TODA A PRIMAVERA OS NENOS E NENAS CONTINUARON TOMANDO DATOS DO TEMPO QUE FACÍA CADA DÍA E ESTES SON OS RESULTADOS: ESTE ANO HOUBO MOITOS DÍAS ANUBADOS E DE CHOIVA E POUCOS SOLEADOS. AGORA XA ESTAMOS DESEXANDO TODOS QUE NO VERÁN O TEMPO SEXA BO E NOS PERMITA DISFRUTAR DAS VACACIÓNS.

E ESTA É UNHA RECOMPILACIÓN DE ACTIVIDADES E TRABALLOS FEITOS DURANTE A PRIMAVERA.

XUÑO

CREAMOS ABECEDARIOS

DURANTE TODO O CURSO OS NENOS E NENAS DA CLASE ESTIVERON ANALIZANDO AS FORMAS DAS LETRAS QUE APARECÍAN NOS TEXTOS QUE UTILIZABAN HABITUALMENTE MENTRES AVANZABAN NA ADQUISICIÓN DA LECTOESCRITURA. PARALELAMENTE A ESTE PROCESO ESTIVERON TRABALLANDO NA CREACIÓN PROPIA DE OUTRAS FORMAS DISTINTAS PARA AS LETRAS E ESTA É UNHA ESCOLMA  DA SÚA CREATIVIDADE.

O "NOTICIEIRO" DE PRIMEIRO

DURANTE ESTE TRIMESTRE OS NENOS E NENAS DA CLASE SEGUIRON FALANDO E ESCRIBINDO SOBRE O QUE ACONTECÍA NAS SÚAS VIDAS  DURANTE A FIN DE SEMANA E TAMÉN SOBRE ACTIVIDADES NAS QUE PARTICIPAMOS XUNTO A OUTROS CURSOS DO NOSO CENTRO. UNHA VEZ MÁIS PUBLICAMOS UNHA PEQUENA MOSTRA DO TRABALLO DESTES PEQUENOS E PEQUENAS XORNALISTAS.

OS DEPORTES FAVORITOS DA CLASE

FÚTBOL, BALONCESTO, TENIS, BÁDMINTON, NATACIÓN, CICLISMO, ATLETISMO E PATINAXE SON OS DEPORTES FAVORITOS DOS NENOS E NENAS DA CLASE.

MEDALLAS DE OURO PARA OS PRÓXIMOS XOGOS OLÍMPICOS

ESTAS SON AS PROPOSTAS DOS NENOS E NENAS DA CLASE PARA OS PRÓXIMOS XOGOS OLÍMPICOS. XA TODOS SABEN QUE VAN A SER EN RÍO DE XANEIRO (BRASIL).  COMO SUPOÑEMOS QUE MOITOS BRASILEIROS XA ESTARÁN DESEÑANDO AS SÚAS, IGUAL AS NOSAS TEÑEN QUE ESPERAR A QUE SE CELEBREN OS XOGOS EN MADRID.

(Preme enriba das imaxes para velas en grande)

LIM PRIMAVERA

XA ESTAMOS REMATANDO A PRIMAVERA. NA CLASE DE INFORMÁTICA FAREMOS ESTAS ACTIVIDADES LIM DE ÁNGELES GARCÍA E REPASAREMOS O QUE SABEMOS SOBRE AS ESTACIÓNS DO ANO.

PRACTICA O XOGO LIMPO

"SPORT OU SPORK"

AÍNDA QUE NO VÍDEO FALAN EN ITALIANO É FÁCIL DE ENTENDER E SERVIRANOS PARA FALAR SOBRE O QUE SE PODE FACER OU NON CANDO SE PRACTICA DEPORTE.

SÓ O QUE VENCE É UN CAMPIÓN?

O ADVERSARIO É UN INIMIGO?

TODO VALE CON TAL DE VENCER?

PODEMOS FACER DEPORTE SÓ PARA DIVERTIRNOS?

QUÉ PENSADES VÓS?

OS XXOO DE BARCELONA

HOXE ACENDEMOS NO PATIO O FACHO OLÍMPICO QUE TRANSPORTOU O PAI DE ALEJANDRO, DIANTE DE TÓDOLOS NENOS E NENAS DO COLEXIO.

NESTE VÍDEO VEREMOS COMO FOI O ÚLTIMO TRAMO ANTES DE QUE UN ARQUEIRO DISPARASE A FRECHA QUE ACENDEU O PEBETEIRO NOS XOGOS OLÍMPICOS DE BARCELONA NO ANO 1992.

O FACHO DOS XXOO DE BARCELONA

HOXE TIVEMOS UNHA GRAN SORPRESA: ALEJANDRO, DA CLASE DE 1ºB, TROUXO UN FACHO DOS XOGOS OLÍMPICOS DE BARCELONA E CONTOUNOS QUE O SEU PAI FOI UN DOS DEPORTISTAS QUE TIVO A SORTE DE PODER TRANSPORTALO NO ANO 1992. ENCANTOUNOS TER A OPORTUNIDADE DE VER UN FACHO DE VERDADE. MAÑÁ IMOS ACENDELO NO PATIO PARA QUE POIDAN VELO TÓDOLOS NENOS E NENAS DO COLEXIO.

AS NOSAS MASCOTAS

ESTAS SON OS DESEÑOS DOS NENOS E NENAS DA CLASE PARA A MASCOTA DOS PRÓXIMOS XOGOS OLÍMPICOS.

 (Preme enriba das imaxes para velas en grande)

NOVAS AVENTURAS DAS MASCOTAS OLÍMPICAS

CIDADES QUE ORGANIZARON XOGOS OLÍMPICOS

MÁIS INFORMACIÓN SOBRE OS XOGOS OLÍMPICOS: CARTEIS, BANDEIRAS, CIDADES, ANO...

ONDE SE CELEBRARON OS XXOO

ESTE VÍDEO FEITO POR ALUMNOS DO IES RAFAEL DIESTE QUE ATOPEI NO BLOGUE DA SÚA BIBLIOTECA AXUDARANOS A RECORDAR AS CIDADES QUE XA ORGANIZARON ALGUNHA VEZ OS XOGOS OLÍMPICOS NA ERA MODERNA E QUE XA SITUAMOS  O OUTRO DÍA NO MAPA DO MUNDO. TAMÉN VEREMOS AS MASCOTAS E COÑECEREMOS O SEU NOME. LOGO TEREDES QUE DESEÑAR VÓS A VOSA PROPIA MASCOTA.