LEVAMOS VARIAS SEMANAS NA CLASE E DESPOIS DE POÑERNOS AO DÍA REPASANDO UN POUCO O FEITO O CURSO ANTERIOR E DE PASO ENTRENANDO PARA TRABALLAR MOITO NESTE QUE COMEZAMOS, XA TEMOS ALGÚNS PROXECTOS INICIADOS DOS QUE IREMOS PUBLICANDO COUSAS SEGÚN VAIAMOS TENDO TEMPO PARA FACELO.
UN DOS PROXECTOS É CONTINUACIÓN DO QUE EMPEZAMOS O CURSO PASADO... "A NOTICIA DO LUNS", PERO ESTE CURSO OS NENOS E NENAS ESCRIBIRÁN SOBRE NOTICIAS NON TAN PERSOAIS COMA EN PRIMEIRO, SE NON QUE ESTÁN SENDO DE CARÁCTER MÁIS XERAL E REDACTAN COMO SE FOSEN AUTÉNTICOS XORNALISTAS PENSANDO QUE OS SEUS LECTORES TEÑEN QUE ENTERARSE A TRAVÉS DOS SEUS ESCRITOS DE QUÉ SUCEDEU, CANDO E A QUÉN, E DAR DATOS INERESANTES SOBRE OS FEITOS. A SÚA VEZ TEÑEN QUE POÑER UN TITULAR QUE INVITE A LER A NOTICIA E ILUSTRAR CON DEBUXOS OU FOTOS SE AS CONSEGUEN. TEMOS PENSADO TAMÉN GRABAR EN VÍDEO A LECTURA DALGUNHAS DESAS NOTICIAS, IMITANDO AO NOSO MODO OS TELEXORNAIS DAS TELEVISIÓNS.
OUTRO PROXECTO QUE IMOS INICIAR PROXIMAMENTE E QUE TAMÉN DESENVOLVEREMOS AO LONGO DE TODO O CURSO É "COÑEZO AOS MEUS COMPAÑEIROS E AS MIÑAS COMPAÑEIRAS" ONDE CADA SEMANA ELEXIREMOS UN O UNHA PROTAGONISTA DA SEMANA Á QUE OS DEMAIS TERÁN QUE ENTREVISTAR PARA COÑECER MELLOR E LOGO TERÁN QUE DESCRIBIR, XA POR ESCRITO, TANTO FISICAMENTE COMO NA SÚA MANEIRA DE SER, E APORTAR DATOS SOBRE OS SEUS GUSTOS OU PREFERENCIAS E FEITOS OU ANÉCDOTAS QUE HOUBESEN RELATADO NAS ENTREVISTAS PREVIAS.
TAMÉN XA LEVAMOS UN TEMPO TRABALLANDO SOBRE "DEREITOS E DEBERES", QUE É UN DOS TEMAS QUE COMPARTIMOS COS COLEXIOS DE HUELVA, MADRID E TOLEDO QUE ESTÁN CONNOSCO NUN PROXECTO ARCE DENDE O CURSO PASADO.
POR ÚLTIMO, ESTAMOS NA FASE DE BUSCA DE INFORMACIÓN SOBRE O NOSO CONCELLO "TUI", PORQUE QUEREMOS COÑECELO MÁIS EN PROFUNDIDADE.