Unha laranxa ten forma esférica e, ás veces está un pouco achatada, como o noso planeta. É perfecta para representar as coordenadas xeográficas máis importantes.
PRIMEIRO PASO
Debuxa cun rotulador unha liña que divida a laranxa á metade.
Será o ECUADOR ou PARALELO CERO e xa temos a Terra dividida en HEMISFERIO NORTE e HEMISFERIO SUR.
SEGUNDO PASO
Trazaremos máis rectas paralelas:
Dúas na parte de arriba (TRÓPICO DE CÁNCER e CÍRCULO POLAR ÁRTICO) e dúas na parte de abaixo (TRÓPICO DE CAPRICORNIO e CÍRCULO POLAR ANTÁRTICO)
TERCEIRO PASO
Agora faremos liñas desde o extremo superior ata o extremo inferior da laranxa.
Serán os MERIDIANOS. O meridiano cero será o de GREENWICH e dividirá a Terra en HEMISFERIO LESTE e HEMISFERIO OESTE.
Os paralelos serven para medir a LATITUDE e os meridianos serven para medir a LONXITUDE. Son as COORDENADAS XEOGRÁFICAS e permítennos coñecer a posición de calquera punto no noso planeta.
CUARTO PASO
Come a laranxa, froita desta tempada, moi saudable, con moita vitamina C e antioxidantes.
E ademais está riquísima !!!
Algúns nenos/as da clase xa puxeron en práctica esta "técnica de estudo" no recreo coas súas laranxas e mandarinas.
