O venres Lúa recibiunos na biblioteca e presentounos o proxecto deste curso: A horta ecolóxica. Nun vídeo contounos como aprendeu ela todo o que hai que saber para conseguir unha boa colleita.
Ao final repartiu a cada clase un paquetiño cun agasallo. Na aula vimos que eran varias sementes diferentes. Agora temos que descubrir de que plantas son e buscar información sobre elas.
Tamén preparou as mochilas viaxeiras, recordou as normas da biblioteca e asignou o martes coma o día no que poden ir os nenos e nenas de terceiro no recreo.