Fomos ao teatro da Área Panorámica a ver a representación de "Titiricircus", do grupo Tanxarina.
Dous vellos traballadores van recordando coa axuda dunhas marionetas os números que facían nun antigo circo agora desaparecido: o forzudo Bigotini, que era o mellor levantador de pesas da península; o faquir Palindranat, que tamén encantaba serpes; o señor Tato, que era o malabarista máis divertido do mundo; ou o señor Venancio, habilísimo montador de monociclo.
Coma público tivemos que participar constantemente mentres se desenvolvía o espectáculo e pasámolo moi ben.
