Sabela Gago estivo no
colexio facendo unha sesión de animación á lectura. Escoitándoa e
colaborando con ela, pasámolo moi ben.
Contounos “O ovo máis
bonito do mundo”, un conto do escritor e ilustrador alemán Helme Heine.
Narra a historia de
tres galiñas moi presumidas, Petipuá, Poliplasta e Pulchinela, que sempre
estaban pelexando porque cada unha dicía que ela era a máis fermosa do
galiñeiro.
Coma non se poñían de
acordo foron preguntarlle ao Rei cal era a máis guapa. Pero non era
fácil a elección porque unha delas tiña as plumas moi bonitas, outra tiña unhas
patas espectaculares e a terceira tiña unha crista divina.
Ao final o Rei
decidiu que elixiría a galiña que puxese o ovo máis fermoso.
Pero as tres puxeron
ovos distintos que non se podían comparar. E finalmente ninguén resultou
gañadora porque todas eran diferentes.
Con este conto unha
vez máis volvemos a darnos conta de que todos/as temos algo que nos
fai únicos/as e especiais.
