DÍA DA TERRA

Hoxe celébrase o Día da Terra, unha data marcada pola ONU, co obxectivo de concienciar a todos e todas sobre a necesidade de coidar  e protexer o noso planeta. 

No noso centro escollemos esta efémerides para sumarnos ao programa Recreos Residuos Cero impulsado por "Teachers for future Spain".

Os nenos e nenas da nosa clase foron os encargados de explicar a todo o colexio como podemos colaborar cada un de nós e as razóns de por que debemos facelo.  

Aquí tedes algunhas imaxes do paso dalgúns deles polas distintas aulas.

Este cartel resume perfectamente o que querían comunicar.

A partir do luns intentaremos reducir o lixo que xeramos no recreo, que é moitísimo. Durante estes días outro grupo de nenos e nenas da clase estiveron recollendo residuos no patio para que empecemos este reto con el máis limpo.

Estes son algúns exemplos de alimentos saudables que podemos elixir para tomar na hora do recreo. E tamén dos envases que podemos usar para transportalos.

"Queremos que todo isto sexa un proceso de mellora colectivo e compartido, como comunidade que somos. A unión fai a forza, e que hai máis importante que a nosa saúde e a do medio ambiente no que vivimos. O futuro está nas nosas mans".

(Fragmento da carta mandada a tódalas familias)