O proxecto do
colexio “COAS NOSAS MANS O TEU SORRISO” segue avanzando.
O luns reunímonos
no salón de actos tódolos terceiros e cuartos co profesor Fernando que nos deu
unha conferencia sobre como o barro se converte en cerámica:
-Explicou con
detalle como é todo o proceso desde que se extrae da barreira, ata o momento en
que os alfareiros rematan o seu traballo e xa se pode comercializar.
-Falounos un pouco da historia da cerámica, da que hai vestixios
vinteseis mil anos atrás.
-Fixo
alusión ás distintas profesións relacionadas co barro como poden ser a dos
oleiros ou a dos telleiros....
Por último miramos xuntos un vídeo no que un alfareiro usaba o torno para facer unha xarra.
O martes, Pepe, un telleiro experimentado, fíxonos unha demostración en vivo de como facer tellas, mentras contaba cantidade de anécdotas sobre o seu traballo. Tamén permitiu que algúns dos nenos e nenas fixesen eles mesmos, coas súas mans, a súa propia tella.
