Por fin chegou o día 24 de outubro (Día das Bibliotecas).
Lúa esperábanos en persoa.
Estaba, coma é habitual, acompañada polo "profe" Ramiro, que recibiu a cada unha das clases tocando a guitarra e cantando a canción de Lúa.
Encontramos a Lúa moi rexuvenecida. Isto é porque ultimamente fai moito deporte e aliméntase moi ben. O seu estilo de vida é moi
saudable e ela quería compartir os seus avances con todos nós.
Contounos que a partires de agora xa poderemos usar a biblioteca tódolos días tanto nas horas de clase como nos recreos e tamén pola tarde, de 4 a 6.
Aproveitou para falar das novidades do
proxecto Erasmus+ e traía un carriño da compra con produtos saudables e outros que non o eran tanto. Estivemos axudándoa a clasificalos. Todo era un xogo para concienciarnos sobre a necesidade de fixarse ben na composición dos alimentos e así non
deixarse levar polo impulso de comprar produtos cun exceso de azucre ou graxas.
Tamén presentou as novidades da biblioteca:
libros que se compraron sobre alimentación, sobre relaxación, sobre o coidado
da horta...; coleccións novas para
desfrutar na biblioteca, na clase ou na casa...
Ademais, entregou as mochilas viaxeiras con libros novos...
Cantas novidades!!!
Pero... aínda tiña reservada para o final unha gran sorpresa...
A APERTURA DO RESTAURANTE DE LÚA
Lúa invitou a todo o colexio a coñecer o seu
restaurante onde se servirán menús saudables nos que os ingredientes principais
serán os produtos recollidos na horta, e os cociñeiros/as poderemos ser nós
mesmos.😀😀😀😀😀
Nesta ocasión había pratos de froitas para os
nenos e nenas e montadiños de "cociña internacional" para os/as
"profes". Estes últimos feitos cos agasallos dos compañeiros/as dos
países asociados no proxecto Erasmus+.